ADOLFUS

I.

ADOLFUS

Comes Nassovius, lineae Weisbadensis. fil. secundo-genitus Walreavii, lineae huius Auctoris, ex Adelheida (Dieterici Comitis Cattimelibocensis filia) frater Dietherisive Theodori, Archiepiscopi Moguntini, Patri in Comitatu successit, Imperator postea Romanus. Vide suô locô. Ex Imagina Gerlaci Comitis Limburgii filia pater fuit Henrici (qui mature obiit) Ruperti, qui ductâ Guttâ Wenceslai Bohemiae Regis filiâ, socero fortem operam navavit, Regum monumentis illatus; Gerlaci, qui in Nassovia ditione Patrem excepit; Walravii, qui Mathildem Ludovici Comitis Palatini filiam coniugem meruit; Adolphi, Patre Imperatore nati: Adelheidae, Monasterium ingreslae Imaginae et Mathildis, quae Rudolfo Bavariae Duci Comiti Palatino nupsit. E quibus Gerlaco cum tres essent filii, Gerlacus, Adolfus et Iohannes: primus Archidiaconus fuit Moguntinus, reliqui duo hereditatem ita diviserunt, ut Adolfus patri in Comitatu Weisbadensi et Idstenio succederet, Iohannes vero Weilburgae Comitatum obtineret, unde in duas lineas familia divisa est.

II.

ADOLFUS

Wilhelmus, Dux Vinariensis, fil. Wilhelmi, frater Ioh. Ernesti, qui Vinariae habitat, Suecis in Dania militavit, ac Isenacum sortitus est maritus Mariae Flisabethae, filiae Augusti Ducis Guelferbytani, hava pridem defuncti, etc. Vide Phil. Iac. Spenerum Syllcge Geneal. Hist.

III.

ADOLFUS

cognomentô Simplex, fil. Rudolfi Electoris Palatini, successit Patri A. C. 1319. Sed, naturâ quietis amantior, brevi post fratri Rudolfo cognomine Graeco, cessit: cuius post 26. annos tertius frater Rupertus fuccessor fuit. In eadem familia Adolphus Iohannes, fil Iohannis Casimiri, Ducis Bipontini, frater Caroli Gustavi, Sueciae Regis, in Polonia fraternis auspiciis militavit: Dein in Prussia rem gessit, adhuc superstes.

IV.

ADOLFUS

ex filiis Ludovici Henrici Comitis Nassoviae et Catharinae Comitis Sayno-Witgensteniae, natus A. C. 1629. cum fratre Philippo, Canonicus Magdeburgensis, in Groningana Academia Studiis operam navavit. Uxorem sibi iunxit Elisabetham Carelam Holzapfeliam, etc. Atque hi omnes surculi fuere Lineae Dillenburgitae.

V.

ADOLFUS

fil Iohannis Comitis ex Magdalena Waldeccia, priore eius coniuge (frater maior natur ioh. Maricii Americana expeditione incliti) natus A. C. 1586. Belgicâ quoque militiâ inclaruit, sed brevis aevi itidem. Cum enim animosius, quam cautius, pugnaret, in mediam hostium aciem irruens, occisus est A. C. 1608. aetat. 22. Noviomagi, cui gubernando praefectus erat, sepultus.

VI.

ADOLFUS

fil. Gerhardi cognomine Bellicosi, Comitis Oldenburgici cum fratre Ottone, Canonico Bremensi et Coloniensi bellô Dietmarsico periit A. C. 1500.

VII.

ADOLFUS

fil. Iohanne (qui Cattimelibocensi Comitatu et

reductô Dietzensi Nassoviae fines auxit( geniti Guilielmi, ex posteriore eius uxore, Iuliana Stolbergia, frater maximi natu Guilielmi Auriaci, Belgicae libertatis auctoris, bellô egregius; sed praematurâ morte exstinctus est. Prima militiae rudimenta bellô inter Suecos Danolque coortô posuit; inde Caesari in Hungaria contra Turcas fortem navavit operam. In Gothanae arcis obsidione postea Augusto, Saxoniae Electori, praesto fuit. Fratris tandem Ludovici, laudatissimi Ducis, ut eum Grotius vocat, in expeditione Groningana Frisiacaque comes ante ipsa hostium tormenta globô traiectus est, circa A. C. 1573.

VIII.

ADOLFUS

fil. Iohannis Comitis ex Margaretha (filia Engelberti Comitis Marcarum et Cliviae) paternam avitamque ditionem adiectâ Dietzâ auxit, allatâ ipsi a Iutta, Gerhatdi Comitis Dietzensis filiâ ac herede. Sed utrisque genita cognominis matri filia Godofredo Comiti diepstenii et Coningstenii marito, Comitatum Dietzensem, dotis loco attulit. Obiit A. c. 1420. Frater Engelberti minoris natu, qui Bredam, Polanam et Leccam, matrimonii iure, obtinuit.

IX.

ADOLFUS

fil. secundo-genitus Georgii, ex Iohanna (Philippi Comitis Bannerae filia) Isabellam sibi iunxit (Henricô Comite Sancto-Paulini et Isarlopii genitam) atque ex ea suscepit Isabellam, Iohannam et Othonem: quô in nuptiis interemptô, ad Othonem propatruum Comitatus devolutus est, a quo vulgatae genealegiae series initium capit.

X.

ADOLFUS

frater Christiani III. Daniae Regis, qui familiae Gottorpino-Holsaticae conditor, Carolo V. in obsidione Metensi militavit, Diethmarsos A. C. 1552. non sine sanguine domuit, in divisione hereditatis Iohannis fratris, praeter Dietmarsiam, Insul. Femeram, Nordstrandiam et praefecturam Tunderen obtinuit: Pater, ex Christiana Hassiaca Iohannis Adolphi, qui Archiepiscopaturi primum Bremensi, tum et Lubecensi Episcopatui praepositus, primus ea in dignitate maritus, obiit A. C. 1616. relictis Fridericô, a quo Gottorpina linea continuata, Iohanne, qui lineam Euthinensem condidit, et Adolphô, qui A. C. 1631. praeliô Lipsiensi, a Rege Sueciae

captus vitâ mox excessit, ex vulnere.

XI.

ADOLFUS

primus qui in illustri hac familia memotatur (quô superiorem tamen Dietericum Textor recenset, liberorum decade florentem) Hassiae Praefectus, Comitatui Nassoviae regendo prae fuit annos 21. sub finem saeculi VII. Ex uxore Clodunda, Weibrechti Saxoniae Ducis filia, genuit Weibrechtum Nidae Comitem et Dietricum, in Comitatu Nassoviae, Patris successorem.